LITTERÆ DIURNÆ

By Quasus, in 'Sermones Communes', May 21, 2009.

  1. Imperfacundus Reprobatissimus

    • Civis Illustris
    Nollens in americam redivi ubi manendum est menses V. Reliqui unam, cum discedi, et alteram, cum redivi.
  2. Laurentius Calvus Palliatus

    • Civis Illustris
    Location:
    Antium
    Num in Canadam aufugeras?
  3. Pacifica grammaticissima

    • Civis Illustris
    Location:
    Belgium
    Immo in Georgiam.
  4. Imperfacundus Reprobatissimus

    • Civis Illustris
    Ita. Nunc manendum est in purgatorio odioso.
  5. Lucius Aelius Linguistics Hippie

    • Civis Illustris
    America scilicet non est purgatorium, sed infernum, ut videas, quod non modo Americanus sed Septentriocarolinianus, non iam δημοκρατίας (ut forte dictum est) incola, etiam dico. Sed forsan redemptio est infernalibus, ad quam laboro forsan frustra.
  6. Laurentius Calvus Palliatus

    • Civis Illustris
    Location:
    Antium
    Vtinam et nos Itali similiter antidemocratici essemus! Nobis enim democraticissimis et sinistimis anno 2008 praesidem eligere ultimum licuit. Interim 4 creati sunt.
  7. Lucius Aelius Linguistics Hippie

    • Civis Illustris
    Heu! Amicae gressurae (ad diploma accipiendum) cuidam quoddam donum -- id est, volumen Anglicum Ciceronis de Amicitia -- dare volo, sed bonum volumen singulare bene translatum in Amazon invenire difficilius est (et difficillime librariis in tabernis!). Penguin de Bene Vivendo Moriendoque certe habet translationem bonam, cuius nomen forsan male accipietur, in quo non solum Cicero de Amicitia inest. Illi autem in quibus Cicero de Amicitia solum inest me, ut observo, translatorem cernere vel translationem aestimare vetant.
  8. navarchus Member

    Location:
    Roma, Italia
    Optime!
    Tibi propino Luci Aeli hanc pateram albi vini ex Piceno referta dum prandium sumo (ex Sardinia insula rabiolas cuius fartum tuber solani, mentha et crocus, linguā sardā "culurgiones"), deinde ferculum ex Latio ("vignarola" italice vocatur), sunt pisa, caepulae, mentha silvestris, fabae et cardui. Prosit!
    Lucius Aelius likes this.
  9. Lucius Aelius Linguistics Hippie

    • Civis Illustris
    Melioribus quam ego gustas -- hodie burricittum (id est fabae, caro, oryza, et holera in tortilla veluta) modo edi, quamquam abhinc dies quattuor piscem assatum cum jure ex butyro et limone facto et cucurbita saltata (lingua Anglice sautéed) feci.
    navarchus likes this.
  10. navarchus Member

    Location:
    Roma, Italia
    Ut valetis, amicae et amici? Ferendumne difficile tempus? En vobis fabella ad animos ralaxandos:

    Erant in monasterio quodam, ad exercitationes spirituales perferendas, sacerdotes duo, alter Iesuita, alter Dominicanus. Per perystilium deambulabant, orantes sacrasque scripturas legentes. Dominicanus autem animadvertit Iesuitam legentem et orantem fumum haurire, sigarello accenso. Statim ex altero quaerit: "Haurisne tabaci fumum dum oras?"
    "Profecto" respondet Iesuita, "id ex antistete meo quaesivi, et concessit ille"
    "Ego quoque" ait Dominicanus "ab antistete meo petivi, sed ille negavit!"
    "Sed quomodo petivisti?"
    "Dixi: Possumne tabaci fumum haurire dum oro?"
    At veterator Iesuita:" Intellego...ego autem ex illo quaesivi: Possumne orare dum tabaci fumum haurio? Cui antistes meus respondit: Semper. fili mi.."
    Valete :)
    Lucius Aelius and Imperfacundus like this.
  11. Imperfacundus Reprobatissimus

    • Civis Illustris
    «Fumare» saepius dicitur.
  12. navarchus Member

    Location:
    Roma, Italia
    Non ita sentiunt nonnulli hodierni auctores, "fumum facere" dicit Desessard, "fumum haurire" aut "tabaci fumum haurire" dicit Lexicon Anglum et Latinum by D. Morgan.
    Mihi "fumare" uti facillimum esset, nam idem verbum est italum, sed haud bene latine id explicare puto.
  13. Imperfacundus Reprobatissimus

    • Civis Illustris
    Estne aliqua lingua hodierna ubi «fumare» multis verbis dicitur ? Innaturale videtur.

    Haud credo romanum, translatum per saecula in diem praesentem, alio modo dicturum «fumare» quam «fumare».
  14. Pacifica grammaticissima

    • Civis Illustris
    Location:
    Belgium
    Eo maxime nonnulli "fumare" isto sensu dicere dubitant quia tempore antiquorum Romanorum id verbum et semper intransitivum erat et adhibebatur eo tantum sensu, quo dicitur ardens quid fumare. Contra in isto "fumum haurire" et aliis quae dixit Navarchus, non adhibetur ullum verbum ratione antiquis ignota; ideo sunt qui haec praeferant. Atqui in contrariam partem dici potest, ea aliquantum longiora atque incommodiora videri posse, esseque satis veri simile, si qui quibus Latinus sermo patrius esset usque in nostram aetatem vixissent isteque mos fumi hauriendi sive fumandi notus eis fuisset, et ipsos verbo fumandi ad eam rem fuisse usuros. Est quidem hoc veri simile, quamquam, fateor, haud certum. Numquam sane sciemus. Itaque cum sint argumenta in utramque partem, alii aliam locutionem eligent...
    Last edited by Pacifica, May 27, 2017
    navarchus and rothbard like this.
  15. Imperfacundus Reprobatissimus

    • Civis Illustris
    Verbum russum, exempli gratia, sensus habet duos- transitivum et intransitivum, quorum primus non dicitur nisi de fumanda sigaretta vel aliqua simili re, quique recentius videtur ortus esse. Quod saepe in linguis hodiernis factum esse credo.

    In lingua italica- et franca et hispanica et catalonica et portugallica et ruminica- dicitur «fumare» modo regionali. Et eo excepto quod dixisset romanus, verbum jam usitatum est.
  16. Pacifica grammaticissima

    • Civis Illustris
    Location:
    Belgium
    Ad tuam equidem sententiam inclino, Imperfacunde, etsi nihil mihi de hac re dubii esse dicere non possum.
  17. Iáson Cívis Illústris

    • Civis Illustris
    nón fas est sinere aliquem facile 'fúmáre', ob fétidum odórem et iactúram sánitátis; ergo fortassé melius 'fúmum hauríre' dictú, quod longius.

    quae quamvís sit mea sententia, mí vidéntur quí fúmum hauriunt véró fúmáre, nam sícut móntés perículósí aut ígnés réstinctí fúmum effundunt.
    Lucius Aelius and rothbard like this.
  18. navarchus Member

    Location:
    Roma, Italia
    Iter feci Ravennam praeclaram urbem, de qua certe dici potest non esse urbem illam sicut sepulcra dealbata, sed contra: dimissa veste induta videtur, interior autem pars splendidissima. Talia sunt momumenta, taliae mihi visae sunt incolae.
    De monumentis mentionem facere nolo, notissima a fere omnibus sunt; de tumba autem Dantis illius aliquid didici et operae pretium est id reddere.
    Omnes sciunt Dantem Florentia igni et aqua interdictum esse (inscripta sunt in sepulcro verba quae a Dante ipso dictata esse traditur: "..parvi Florentia mater amoris"), fortasse pauci autem sciunt qua vi Florentinos corpus eius defunctum in urbe sua habere conatos esse, Ravennatibus negantibus. Cum Papa factus est Leo X, cuius nomen “Medici” et Florentinus erat, ipse Florentiae concessit, saeculo XVI ineunte, ossa Dantis recipere atque in urbem suam transferre: tandem filium suum intra moenia habere posse videbatur! Sed ubi ad sacellum pervenierunt legati sepulcrumque aperuerunt nihil in eo invenierunt…fratres enim proximae Ecclesiae Sancto Francisco dicatae ossa poetae surripuerant ut Ravennae manerent. Et adhuc Ravennae manent.
    Hodie Florentinis una res tantum permittitur: oleum e Tuscis collis semel in anno donare ut lucerna quae de sacelli tecto pendet perenniter ardeat.

    Attached Files:

  19. Seraphinus Civis Illustris

    • Civis Illustris
    Sane est: lingua Polonorum, qui dicunt "urere [aliquid, e.g. tabacum]".

    Quod mihi iucundior videtur, quia, cum notas scribunt ad prohibendum quominus fumum hauriant alii, solum verbo (sine sequenti nomine) uti solent: nie palić ("noli urere"), palenie wzbronione ("urere inconcessum"), prosimy nie palić ("quaeso noli urere").
  20. navarchus Member

    Location:
    Roma, Italia
    Spectaculum cinematographicum vidi, cuius inscriptio “Vectores” ("Passengers", anglice). Est fabula de viro quodam et quadam muliere qui, temporibus futuris navi siderali vecti, ex somno brumali inducto experrecti sunt nonaginta annis ante constitutum, ceteris vectoribus adhuc dormientibus, nec in somnum rursus brumalem induci possunt.
    Intellegunt duo homines igitur se morituri antequam navis ad locum designatum advenerit et usque ad fabulae finem modum se et navem servandi invenire conentur.
    Spectaculum haud parvi momenti ponit quaestiones. Quod tamen miratus sum, est nunquam invenisse in personarum sermonibus cogitationibusque nomen Dei, aut immanentis entis cuiusdam ex quo quaerere, quem orare, ut vita sua servaretur; nihil, ne in extremo discrimine quidem, spiritualis, cui se ipsum commendare et committere, quasi futura tempora certe sine Diis immanentibus erit, spectaculi auctoris sententia.
    Fides habenda videtur exigue rerum naturae aut technicae arti et informaticae disciplinae.
    Quid de hoc censetis, sodales, temporibusne futuris hi erunt Dii?
    Valete quam optime

Share This Page

 

Our Latin forum is a community for discussion of all topics relating to Latin language, ancient and medieval world.

Latin Boards on this Forum:

English to Latin, Latin to English translation, general Latin language, Latin grammar, Latine loquere, ancient and medieval world links.