Epigrammatum Cerritorum Florilegium

Pacifica

grammaticissima
Staff member

Laurentius

Civis Illustris
XCIX

Iam rursus pereunt annus mensisque December
pauper in externa nascitur urbe Deus.
Constat iter regis iussu peragrasse parentes
et miseram fessos incoluisse casam
mater ubi in lucem uirgo dedit omnipotentem
diuum qui lueret crimina nostra cruce.
Huc magus accedens natum ueneratur Iesum
sidere nocturnam praecipiente uiam
et uenit opilio dum gaudent desuper hymnis
angelici dominum magnificare chori.
Squalida percipiunt mundi cunabula regem,
halitibus puerum bos asinusque fouent.
Vos quoque natalem Christi celebrate fideles,
sub nitida iaceant arbore dona probis.
 
Last edited:

Serenus

legātus armisonus
Iam abhinc mēnsēs dēsinuit flōrilegium nostrum... Hodiē aliquid scrīpsī (mētrum: 14 syllabae, allitterātiō).

Perdēfessus vertiōnibus videor tantīs:
dēcīdam¹ nunc illōs multō malōs dēlīrantīs,
veterēs ad loquellās linguam prīscam damnantīs.

Quārē hōc modō faciam, fortasse requīrās,
antīqua mētra recūsāns. Tranquīllē respīrās,
cum audiās nec prīscās nec novās fōrmās dīrās.²

Per saecula saeculōrum animae lectōrum,³
quī omnium latīnitātum dīligant decōrum,
assiduē assevērantēs "bellē sapōrum!"


¹ ut arborēs
² id est, utrum genus mihi bonum vidētur
³ in aeternum sint, vīvant, sint in memoriā vīventium
 

Hemo Rusticus

Lounge Lizard
Eugepae. Te oportet in musicam conuertere istos versus.
 

Hemo Rusticus

Lounge Lizard
CI

Surrident hodie mecum crudelia Fata:
Virus Wuhani est capiti Americae
Uxor habet quoque eandem (di! mirabile dictu)
Sit tibi terra levis vultur ut *ocius edat.

*had to cheat. consonantal ‘i’
 
Top