LITTERÆ DIURNÆ

Bitmap

Civis Illustris
aliquot ante dies Flappius passer (quem paulo ante cognoveram et inter amicos meos numeraveram) me ad summum luctum maeroremque commovit. Qui, cum conclave magistrorum per fenestram apertam intrasset, per clausam exire frustra conatus et gravissimo casu ad solum delapsus vitam ante oculos omnium magistrorum profudit. tumulus ante scholam paratus est quo ossa volucris molliter requiescant.
propterea ante domum decoravi carmine saxum
quo casus miserae commemoretur avis:

ad Flappium volucrem
magno te memini, Flappi, cecidisse dolore
non dedit ad caelum clausa fenestra viam
te male perspicuum delusit, credule, vitrum
mentem materiam non superare probans
pax aeterna tibi! moneas doceasque volucres
secum ferre graves perfida vitra dolos
 

Laurentius

Man of Culture
Fuitne ei nomen Flappius propter aeroplanorum instrumenta an uitri collisionem?
 

Bitmap

Civis Illustris
Fuitne ei nomen Flappius propter aeroplanorum instrumenta an uitri collisionem?

ita est :) at

ne mihi credideris! fabulam pars ficta fefellit:
luctūs qui referat, non premit arva lapis.
Flappius incolumis rursus surrexit ad auras
atque Altenburgi nunc quoque in urbe volat :)
 

Bitmap

Civis Illustris
indignum est! ubivis interretjalia desunt,
patria, signa; piget rus peragrare tuum!
crede mihi: misero graviora feremus Vlixe,
ex urbe egressi si faciemus iter.
vicum non reperis ullum qui iunctus ad orbem est.
pascuaque ad nodos retis adire vetant.
ferrea bucolicos cum nos via ducit in agros,
tramine deripitur rete movente fugax.
interdum spes falsa subit - subitoque vanescit:
signum iam teneo debile - iamque fugit.
"quattuor" ostendit, deinde "O", dein "quattuor" asper
me telae monitor iungere posse negans.
taedia me capiunt et inepta poemata pango.
ut legat haud quisquam tale meretur opus!
erige - fac properes! - radiantes, Angela, turres!
rursus ne pedibus meque aliosque premam.
 

meisenimverbis

Civis Illustris
(1) In scala ab I usque ad X, ubi habilitatem in lingua Latina vestram ponitis?

Me in IV ad V euntem puto.

(2) Ad se ipsos docendum quid facitis?

Aliquid in Youtube audire conor omni septimana; aliquae scripta conatus sum in literatura mea, adnotationes de ea, adumbrationes de ea.
 

Serenus

legātus armisonus
indignum est! ubivis interretjalia desunt,
patria, signa; piget rus peragrare tuum!
crede mihi: misero graviora feremus Vlixe,
ex urbe egressi si faciemus iter.
vicum non reperis ullum qui iunctus ad orbem est.
pascuaque ad nodos retis adire vetant.
ferrea bucolicos cum nos via ducit in agros,
tramine deripitur rete movente fugax.
interdum spes falsa subit - subitoque vanescit:
signum iam teneo debile - iamque fugit.
"quattuor" ostendit, deinde "O", dein "quattuor" asper
me telae monitor iungere posse negans.
taedia me capiunt et inepta poemata pango.
ut legat haud quisquam tale meretur opus!
erige - fac properes! - radiantes, Angela, turres!
rursus ne pedibus meque aliosque premam.
Istud poemulum amo. E poemate subicio te cum poema scribebas lexico carere, quod malam tres vocalium longitudinem explicat. ("Pătrĭă" et "ăgrōs" habent a brevem, "vānēscĭt" longam.)
 

Laurentius

Man of Culture
Istud poemulum amo. E poemate subicio te cum poema scribebas lexico carere, quod malam tres vocalium longitudinem explicat. ("Pătrĭă" et "ăgrōs" habent a brevem, "vānēscĭt" longam.)
Patria and agros can have it long in poetry.
 

Issacus Divus

H₃rḗǵs h₁n̥dʰéri diwsú

Serenus

legātus armisonus
Patria and agros can have it long in poetry.
:eek::eek::eek:


[...] Sprētae Ciconum quō mūnere mātrēs
inter sācra deum nocturnīque orgia Bacchī
discerptum lātōs iuvenem sparsēre per āgrōs.
(Vergilius, Georgica 4.520-2)

'Ō peritūre tuāque aliīs documenta datūre
morte,' ait, 'ēde tuum nōmen nōmenque parentum
et pătriam, mōrisque novī cūr sācra frequentēs!'
ille metū vacuus 'nōmen mihi' dīxit 'Acoetēs,
pātria Maeonia est, humilī dē plēbe parentēs...'
(Ovidius, Metamorphoses III.579-83)

Verum ergo dicis! Opus mihi est poesin legere attentius. :D (Aliquid mirum potest quoque animadverti in locis duobus quos protuli: "sācer" pro "săcer"!)
 

Laurentius

Man of Culture
:eek::eek::eek:


[...] Sprētae Ciconum quō mūnere mātrēs
inter sācra deum nocturnīque orgia Bacchī
discerptum lātōs iuvenem sparsēre per āgrōs.
(Vergilius, Georgica 4.520-2)

'Ō peritūre tuāque aliīs documenta datūre
morte,' ait, 'ēde tuum nōmen nōmenque parentum
et pătriam, mōrisque novī cūr sācra frequentēs!'
ille metū vacuus 'nōmen mihi' dīxit 'Acoetēs,
pātria Maeonia est, humilī dē plēbe parentēs...'
(Ovidius, Metamorphoses III.579-83)

Verum ergo dicis! Opus mihi est vere poesin legere attentius. :D (Aliquid mirum potest quoque animadverti in locis duobus quos protuli: "sācer" prō "săcer"!)
That's because of Attic correption too, I think the syllable used to be always long by position in origin. By the way it doesn't apply to the nominative sacer because it can't be long by position.
 

Bitmap

Civis Illustris
Istud poemulum amo. E poemate subicio te cum poema scribebas lexico carere, quod malam tres vocalium longitudinem explicat. ("Pătrĭă" et "ăgrōs" habent a brevem, "vānēscĭt" longam.)

ut Laurentius iam scripsit, eae syllabae in "patria" et "agris", de quibus mentionem facis, et longae et breves esse possunt. recte autem admones primam syllabam in "vanescit" longam esse ... mihi defuit interrete ut thesaurum verborum adhiberem :D scribere fortasse oportuit "recedit" pro "vanescit".
 

Serenus

legātus armisonus
That's because of Attic correption too, I think the syllable used to be always long by position in origin. By the way it doesn't apply to the nominative sacer because it can't be long by position.
Usos nominis adiectivi "sacer", casu nominativo declinati, cunctos apud Vergilium atque Ovidium modo inspexi. Numquam vere adhibetur prima syllaba longa!

Aliud autem nunc te rogare volo, quod illos versus legens animadverti: quamobrem prima syllaba verbi "religio" longa esse videtur his in locis?

rēligiōne patrum lātā sacer; undique collēs
inclūsēre cavī et nigrā nemus abjete cingunt.
(Vergilius, Aeneis VIII.598-9)

lūminis exiguī fuerat prope templa recessus,
spēluncae similis, nātīvō pūmice tectus,
rēligiōne sacer prīscā, quō multa sacerdōs
lignea contulerat veterum simulācra deōrum.
(Ovidius, Metamorphoses X.692-5)

vallis Arīcīnae silvā praecinctus opācā
est lacus, antīquā rēligiōne sacer;
(Ovidius, Fasti III.263-264)
 

Bitmap

Civis Illustris
saepe fit apud poetas ut in verbis, quae ex quatuor (vel pluribus) syllabis consistunt quaeque in tribus brevibus syllabis initium capiunt, prima syllaba expandatur et longa fiat. id ipsum invenis in ipso secundo versu clarissimi Maronis carminis:

arma virumque cano Troiae qui primus ab oris
Italiam fato profugus Laviniaque venit
litora.
 

meisenimverbis

Civis Illustris
Hōc fīlō utī conābor ad meās sententiās scrībendās ad futūrum.
 

Ignis Umbra

Ignis Aeternus
Quod diu afui, puto me unam mensem idem facturum esse.
 

Bitmap

Civis Illustris
incertus sum num bene intellegam quid "idem" sit ... visne dicere te, quoniam diu afueris, unum mensem ultra afuturum? :crazy:
 

Ignis Umbra

Ignis Aeternus
unum mensem
...videtur me tamdiu afuisse ut obliviscerer quid genus verbi esset... :rolleyes:

incertus sum num bene intellegam quid "idem" sit ... visne dicere te, quoniam diu afueris, unum mensem ultra afuturum? :crazy:
Non, lol. De verbis meisenimverbis loquebar; quoniam diu afui, unum mensem conabor hoc in filo Latine saepe scribere.
 

Lucius Aelius

Linguistics Hippie
Multa mundi mutata sunt. Sed non, ut video, hoc forum nostrum...
 

Pacifica

grammaticissima
Staff member
Senescimus quidem, et aliqui novi advenerunt.
 

Lucius Aelius

Linguistics Hippie
Sic est rerum natura! "Fortunae rota volvitur/descendo minoratus/alter in altum tollitur/nimis exaltatus."
 
Top