Quid agitis?

[Pacifica]

Totumne librum Anglice uertes?

Non totum librum, sed solam eam partem quae ex interrogationibus ac responsionibus in Genesin constat.

 

[Laurentius]

Non totum librum, sed solam eam partem quae ex interrogationibus ac responsionibus in Genesin constat.

Lentum est mihi hodie rete, iamne scis e quot paginis pars illla constet?

 

[Pacifica]

Fere XXVII.

 

[Laurentius]

Fere XXVII.

Attat! Spero te satis pecuniae accepturam!

 

[Dantius]

tres vel quattuor iam dies minus prospera valitudine utor. non multum virium habeo ad res difficiles agendas, et saepe dormire volo. quam ob causam minus spe Suetonii legi. hodie tamen meliuscule mihi est.

 

[Glabrigausapes]

minus prospera valitudine utor

eheu, quam auditu maestum de caussa istac, adulescens. ius bibendumst et aqua.

here modo talum sinistrum mihi mane momordit crabro prima uice. multo excitans fuit

 

[Dantius]

momordit

Si vis orthographia antiquiore uti, scribere memordit potes, ut didici apud Noctes Atticas 6.9.

 

[Glabrigausapes]

Itast ut tū ipsus loquere. Uērō etiam quodque uerbum habuit in principiō tāle praeteritum; nōn poposcī sed *peporskai, nōn cucurrī sed *kekorsai.

 

[Dantius]

Ita, Gellius dicit 'Peposci' et 'memordi', 'pepugi' et 'spepondi' et 'cecurri' a veteribus scripta fuisse, et 'scicidi' pro 'scidi' (ex verbo "scindo, scindere"), 'descendidi' pro 'descendi'. Dicit quoque apud Plautum "praemorsisse" pro "praememordisse/praemomordisse" inveniri.

 

[Dantius]

superiore anno scholastico amplius duos menses (horribile dictu!) octo tantum capitulis Caesaris legendis consumpsimus. Oportuit duabus septimanis, non duobus mensibus ea capitula perlegi!
Sed proximus annus (qui moxissime incipiet, quae res me laetitia curaque afficit) videtur melior fore — nam uno tantum mense decem capitula legemus! Id tamen tardum lentumque est, sed, puto, nullo modo in hac schola X capitula celerius legi possunt.

scio "moxissime" barbare dictum esse, sed tamen mi placet, ergo dixi.

 

[cinefactus]

Gaudio. omnes fabulas Terentii perlegi

pax AoM. mihi maxime placent Andria et Phormio

 

[Dantius]

Cras probationem de Sallustii Bello Catilinae habebo; quae postquam confecta erit, Ciceronis "in Catilinam" orationem primam legere incipiemus.

 

[AoM]

Gaudio. omnes fabulas Terentii perlegi

pax AoM. mihi maxime placent Andria et Phormio

tantum perlegi duas ex fabulis Terentii: Adelphos et Eunuchum. illius fabulae videntur tragicomoediarum similiores quam comoediarum.

 

[Dantius]

Plautum legi, sed Terentii nullasdum legi fabulas. Fortasse, Taciti Annalibus et Vergili Aeneide, et si qua alia opera legendi impetus erit, perlectis, ad eas fabulas legendas animum adiciam.

 

[Araneus]

Iam tandem Aeneida perlegi!

Diu nil fere propter aegritudinem legere poteram, sed nunc convalesco et latine iterum lego. Aeneidos liber secundus mihi maxime placuit (exitium Troiae), dein liber sextus (iter in inferos). Hos, scio, iterum ac iterum perlegam.

Sed nunc quid legam?

---

[Si menda mea corrigere vobis placeat, gratias vobis agam.]

 

[Matthaeus]

In Boethii de consolatione philosophiae nunc versor.

 

[Pacifica]

Iam tandem Aeneida perlegi!

Diu nil fere propter aegritudinem legere poteram, sed nunc convalesco et latine iterum lego. Aeneidos liber secundus mihi maxime placuit (exitium Troiae), dein liber sextus (iter in inferos). Hos, scio, iterum ac iterum perlegam.

Sed nunc quid legam?

---

[Si menda mea corrigere vobis placeat, gratias vobis agam.]

Mihi sextus maxime placuit.

(Menda autem nulla video, praeterquam quod fortasse "potui" melius quam "poteram" dixisses.)

 

[Dantius]

Iam tandem Aeneida perlegi!

Diu nil fere propter aegritudinem legere poteram, sed nunc convalesco et latine iterum lego. Aeneidos liber secundus mihi maxime placuit (exitium Troiae), dein liber sextus (iter in inferos). Hos, scio, iterum ac iterum perlegam.

Sed nunc quid legam?

Fortasse Taciti Historias vel Annales aggredi debes. Mihi uterque liber placet, et scio te Tacitum amare.

 

[Araneus]

Fortasse Taciti Historias vel Annales aggredi debes. Mihi uterque liber placet, et scio te Tacitum amare.

Ita, Germaniam et Agricolam eius certe amo, et haud dubito quin isti libri quoque mihi placerent valde. Fortasse librum primum ex annalibus temptabo...

 

[Araneus]

Incepi nunc Suetonii Vitam Gai (Caligulae) legere - diu enim id mihi in animo fuit - et postea Annales Taciti aggrediar. Intellego eos libros ex Annalibus in quibus Caligula tractatur perditos esse, itaque Suetonii librum de eo legere volo. Et, nescio vero qua causa, Caligulae pravitate amentiaque morbido modo* captus sum. Gaudeamus quod nostris temporibus tam amentes duces non sunt...

*Nescio an hoc recte sic dicatur. Fortasse morbide aut alio verbo vel verbis melius utar. Quid censetis?