Quid sum? (What am I?) Latin writing game

[Glabrigausapes]

Rursum (ego quid sum?) marmoreos deuertere ocellos
conabor soles ut geminos uideam.

 

[Glabrigausapes]

Not easy to tell if it's too hard or just bad, but here's some bonus material:

Me 'anasyromenen' praeclari sermine Graii
confuso dicunt difficilique suo.

 

[Glabrigausapes]

Meminisse suadeo me arte istac poetandi omnino carere, sed ead tamen utier gestio.

 

[Pacifica]

Suspicor te aliquam rem esse cuius ego prorsus ignara sim.

 

[Glabrigausapes]

Ipse nunc miror unde huiius rei non ignarus siem factus.

Nescio, sed fieri sentio etc.

 

[Glabrigausapes]

Hoc fortasse adiuuabit:




Tales sunt facies quas uir facit qui uidet me.

 

[Agrippa]

Forsitan, o Rustice, ante oculos tibi obversetur Ἀφροδίτη quae vocatur καλλίπυγος vel Venus pulchras habens nates. Cuius statuam multos abhinc annos in urbe Neapoli admiratus sum. Nonne ibi Venus sursum tracta veste marmoreos oculos ita avertit ut quasi "geminos soles" conspicere posset? .

 

[Glabrigausapes]

Verum dixti tute, ὦ Ἄγριππα. Sed illa forte auertit oculos suos ne conspexerit eos tremendos buccae ueritatis?

 

[Agrippa]

Nescio an Ἀφροδίτης καλλιπύγου statuam false interpretatus sim; quae, cum verbum „anasyromenen“ legissem, continuo in mentem mihi venit: Venus nimio amore sui vel, ut nostra aetate dici solet, narcissismo affecta caput videtur convertere ut denudatas suas ipsius nates splendidissimas, quae duorum solum instar habent, admiretur.

 

[Glabrigausapes]

Nescio an Ἀφροδίτης καλλιπύγου statuam false interpretatus sim; quae, cum verbum „anasyromenen“ legissem, continuo in mentem mihi venit: Venus nimio amore sui vel, ut nostra aetate dici solet, narcissismo affecta caput videtur convertere ut denudatas suas ipsius nates splendidissimas, quae duorum solum instar habent, admiretur.

Rected ēs ratus, amice noster. Ideo aenigma proximum tibei debetur soli, si siet sueta optio.

 

[Agrippa]

Necavit me abhinc plus MDC annos in nobilissima urbe Aegyptia indocta plebs Christiana, cui odio eram non modo quod invisa philosophorum praecepta tradebam, sed etiam quod artium mathematicarum eram peritissima.

Quis fui?

 

[Pacifica]

Me de illa muliere iam audisse credo, sed nomen non memini.

 

[Agrippa]

... nomen non memini.

... quod vehementer doleo. Nonne tu ipsa femina doctissima?

 

[Pacifica]

Minime. Ego eruditula sum.

 

[Glabrigausapes]

Graviter quom illa, sed hau mendax quom egomet sic loquar.

Responsum habeo e librod Umberti Ecūs derivatum qui mihei placuit legendod. Esne tu Hypatia?

 

[Agrippa]

... Esne tu Hypatia?

Hypatiae nomen memorabile, amice, repertum est
Abs te perfecte: gloria summa tibi!

Charles William Mitchell: scene in Charles Kingsley's novel Hypatia.
(It must be noted that there is a difference between Eco's medieval female satyr Hypatia, the object of Baudolino's passion, and the ancient Alexandrinian philosopher Hypatia.)

 

[Glabrigausapes]

It must be noted that there is a difference between Eco's medieval female satyr Hypatia...

I think she herself explains that she and all her ilk took their name from the original Hypatia.

 

[Glabrigausapes]

Bis nascor, bis morior. Duo nomina sunt mihi unico. Da utrumque, sis, ne dubium sit.

 

[Agrippa]

Nunc meminisse iuvat quid Tullius ipse disertus
De stella Veneris scripserit. Hercle placet.
Cic. nat. 2, 53:

Infima est quinque errantium terraeque proxuma stella Veneris, quae Φωσφόρος Graece Lucifer Latine dicitur cum antegreditur solem, cum subsequitur autem Ἕσπερος.

 

[Glabrigausapes]

Vestigium non sequeris pravum, sodalis sapiens, sed ambo nomina quae in mente habeo Latina sunt. Illustra nos, opsecro, quasi tenebratos.