De Eunucho

[cinefactus]

potestne aliqui me illustrare?

non intellego hos versus in Eunucho:
Ego cum illō quīcum tum ūnō rem habēbam hospite
Abiī hūc;

mihi videtur esse, "Ego cum illō hospite abiī hūc, quīcum tum ūnō rem habēbam"
sed quid igitur sibi vult quīcum tum ūnō rem habēbam?

 

[rothbard]

Fortasse "quicum concubui"?

 

[Dantius]

quī (casu ablativo) ... unō (i.e. solō) — duo illa verba inter se consentiunt.

"cum eo uno rem habebam" = "cum eo, nec ullo alio hospite, rem habebam."

 

[cinefactus]

gratias vobis ago

scitisne quatenus rem habere significet? amator esse vel procus vel concubere vel res alia?

non multos post versus scripsit postquam sensit me tecum quoque rem habere

 

[Dantius]

puto rothbard recte dixisse. "cum aliquo rem habere" potest significare "alicui amicus esse" vel, ut L+S dicit, "to have to do with any one", sed hic significare videtur concumbere, ut rothbard dixit.

Fortasse "quicum concubui"?

 

[cinefactus]

confiteor me iterum confusum

in linea 255, Gnatho dixit: dum haec loquimur, interea loci ad macellum ubi advenimus

si diceret ad locum macelli intellegerem, sed cur loci in casu genitivo ponitur?

 

[Dantius]

"interea loci" significat "interea":
With loci : plus triginta natus annis sum, cum interea loci Numquam quicquam facinus feci pejus quam hodie, Plaut. Men. 3, 1, 1; id. Ps. 1, 3, 32; Ter. Eun. 2, 2, 24; id. Heaut. 2, 3, 16; Pac. ap. Non. 488, 14 (Trag. Rel. p. 71 Rib.).

 

[cinefactus]

gratias tibi ago

 

[cinefactus]

Chaerea gaudens dicit:
Nunc est profectō interficī cum perpetī mē possum,
Nē hoc gaudium contāminet vīta aegritūdine aliquā.

nonne sibi vult nunc licet me interficere? non intellego cur interfici infinitivo passivo ponatur.

 

[Pacifica]

Faciliusne intellectu tibi videtur si hoc ordine ponitur?

"Nunc est profecto (tempus) cum perpeti possum me interfici"

 

[cinefactus]

Gratias tibi ago. Cum scribis manifestus est!

 

[cinefactus]

iterum, ut soleo, confusus sum

velim vos rogare:

Antipho dicit: quid sibi hic vestītus quaerit
videtur similis esse quid sibi vult hic vestitus, sed si verum est, quo modo differt quaerit et vult?

 

[Pacifica]

Non sane multum differre videtur.

 

[cinefactus]

et iterum veniam peto...

Fundam tibi nunc nimis vellem darī
Ut tū illōs procul hinc ex occultō caederēs

cur funda in accusativo ponitur?

 

[AoM]

fortasse

h.Will, and in oblique discourse and questions would, the auxiliaries of the future and potential: animum advortite: Comediai nomen dari vobis volo, I will give you, etc., Plaut. Cas. prol. 30:

 

[Dantius]

"funda" est subiectum verbi "darī". Subiectum infinitivi ponitur accusativo casu.

 

[cinefactus]

ignoscite mihi, nempe manifestum est

 

[AoM]

mea culpa

 

[cinefactus]

mea culpa

immo, culpa mea est

 

[Pacifica]

Immo utriusque culpa est!