Cato amice,
nulla remissione opus est; contrario, maximas tibi meum sermonem laudanti et me bono animo accipienti ego gratias agere debeo.
Qemquem sodalis,
'epos' neutrum est tertiae Graecae declinationis et, ut difficilius fiat, nomen contractum cuius thema in littera 'sigma' desinit, qui sonitus inter vocales evanescere solet; sine ut litteris scribam latinis:
N. epos epea/epe (secunda vocalis 'eta' est)
V. epos epea/epe
G. epous epeon (omega)
D. epei epesi
Acc. epos epea/epe
Tamen itero ut tantummodo nominativo et accusativo casibus singulari numero latini scriptores utantur. Si tu autem omnibus casibus uti vis, optimum mihi esse videtur ut Graecas formas scribas .
Sed etiam potis est verbum 'epos' per analogiam in secundam latinam vertere declinationem. Si hoc elegeris, memento ut neutrum sit: nominativum, vocativum et accusativum semper aequa; noli, exempli gratia, 'epum' aut 'epom' scribere.
Verbum 'thema' Graecum est! Radix eadem est etiam in Graecis verbis 'tithemi', 'apotheka', 'bibliotheca'. Ex Indoeuropea radice *dhe-k (quod etiam in latino 'facere' habetur) venire aestimo. Neutrum tertiae declinationis 'thema, thematis' declinare debes; 'thema, themae' vere nunquam inveni.
'Phantasia' optime scribes; hoc denique etiam Graecum verbum est!
Et cur non? Sicut Catullus de amore scribe et renuenti puella! Triste quidem infelix amor, bellum tamen multo tristius.
Curate ut valeatis.